وائس اور ویڈیو کالز کے لیے گوگل نے نئی ایپ کا اعلان کر دیا

photo:https://www.sammyfans.com/

 

کیلیفورنیا( چیغہ نیوز) گوگل وائس اور ویڈیو کالز کے لیے Meet اور Duo کو ایک ہی ایپ میں ملانے جا رہا ہے

تفصیلات کے مطابق گوگل نے گزشتہ روز اعلان کیا ہے کہ وہ اپنی 2 ویڈیو کالنگ ایپس Duo اور Meet کو اب ایک ہی ایپ میں یک جا کرنے جا رہا ہے۔

گوگل کا کہنا ہے کہ بہت جلد صارفین کو ایک ہی گوگل میٹ دستیاب ہوگا، اور امید ظاہر کی ہے کہ یہ واحد کالنگ ایپ ہوگی جو صارفین کی زندگی کا ناگزیر حصہ بن جائے گی۔

گوگل نے یہ امید بھی ظاہر کی ہے کہ ان دونوں ایپس کو ملانے سے جدید مواصلاتی ٹولز کے کئی مسائل حل ہوں گے۔

گوگل ورک پلیس کے سربراہ حاویر سولٹیرو نے کہا کہ یہ سمجھنا بہت اہم ہے کہ لوگ کس ٹول کو استعمال کرنے جا رہے ہیں، کس مقصد کے لیے، اور کن حالات میں اس کا انتخاب کرتے ہی، ہماری ڈیجیٹل زندگی لاکھوں مختلف چیٹ ایپس سے بھری ہوئی ہے، ان میں سے کسی کا مقصد کچھ ہے اور کسی کا کچھ، چند کام کے لیے اور کچھ ذاتی مقاصد کے لیے ہم استعمال کرتے ہیں۔

اب گوگل کا ارادہ ہے کہ ان سب کو اکٹھا کرنے کے لیے جی میل ایڈریس اور فون نمبر استعمال کیا جائے، سولٹیرو نے کہا کہ اب اس طریقے سے آپ تک پہنچنے کے قابل ہونا واقعی اہم بات ہے، اور پھر یہ ایپ آپ کو یہ فیصلہ کرنے کی اجازت بھی دے گی کہ آیا آپ تک پہنچنا ہے یا نہیں۔

سولٹیرو نے گوگل میں اپنے زیادہ تر دور میں ‘اس رسائی’ کے خیال کو بہت فروغ دیا ہے، جس کی وجہ سے گوگل نے میٹ اینڈ چیٹ کو اپنی دیگر کئی سروسز میں ضم کیا۔

SHARE THIS

Copy Url