ڈالر کی پرواز رک گئی، انٹربینک میں ڈولر کی قیمت میں کمی

حکومت کی جانب سے آنے والے دنوں میں روپے کی تنزلی رکنے کے بیانات، رواں ماہ درآمدات 35 فیصد کم ہونے سے کرنٹ اکاؤنٹ خسارے کے فرق اور تجارتی خسارہ بھی گھٹنے جیسے دعووں کے باعث ڈالر کی پرواز رک گئی اور ڈالر کے انٹربینک ریٹ 239 روپے سے نیچے جبکہ اوپن ریٹ 242 روپے کی سطح پر آگئے۔ 

پیر کو کاروباری دورانیے میں ڈالر کی قدر ایک موقع پر بڑھ کر 240 روپے سے بھی تجاوز کرگئی تھی لیکن اختتامی لمحات میں ڈیمانڈ گھٹنے سے انٹربینک مارکیٹ میں ڈالر کی قدر 53 پیسے کی کمی سے 238.84 روپے کی سطح پر بند ہوئی۔ اسی طرح اوپن کرنسی مارکیٹ میں ڈالر کی قدر 6روپے کی کمی سے 242روپے پر بند ہوئی۔ 

ماہرین کا کہنا ہے کہ آئی ایم ایف قسط کے فوری اجراء کے لیے آرمی چیف کی امریکی حکام سے رابطے، حکومت کی جانب سے قومی پیٹرولیم کمپنی کو تیل درآمد کرنے کے لیے تین ارب روپے کے پیکیج اور اوسط قیمت پر زرمبادلہ فراہم کرنے کی سہولت دینے کی خبروں سے مارکیٹ میں اعتماد کی فضاء پیدا ہوئی۔ 

ماہرین کے مطابق برآمدی شعبوں کی جانب سے بھی ڈالر کی صورت میں اپنی برآمدی آمدنی کو بھنایا گیا جس سے مارکیٹ میں ڈالر کی سپلائی بڑھ گئی اور اس کی قدر میں کمی واقع ہوئی۔

Continue Reading

جنوبی وزیرستان میں موسلادھار بارش ،سیلابی ریلہ دو بچوں کو بہا لے گیا

جنوبی وزیرستان(چیغہ نیوز ) ملک کے دوسرے علاقوں کی طرح جنوبی وزیرستان میں بھی موسلادھار بارش کئی دنوں سے شروع ہے ، شدید بارش کے بعد ندی نالوں میں تغیانی،جنوبی وزیرستان کے علاقے شکتوئی میں سیلابی ریلہ دو بچوں کو بہا لے گیا،  دونوں بچے ندی نالہ کراس کررہے تھے،  دونوں بچوں کی نعشیں نکال لی گئی

Continue Reading

ڈیرہ اسماعیل خان : سائبر کرائم کا بڑا آپریشن

 

ڈیرہ اسماعیل خان (چیغہ نیوز) سائبر کرائم سرکل ڈی آئی خان نے کرک میں ایک ٹیلی کام فرنچائز پر چھاپہ مارا جو کہ جعلی سلیکون فنگر پرنٹس کے ذریعے سموں کو غیر قانونی طور پر ایکٹیو کرنے میں ملوث تھا۔ 

تفصیلات کے مطابق 2800 سے زائد جعلی فنگر پرنٹس ضبط کیے گئے، اسکے علاوہ غیر قانونی طور پر ایکٹیویٹ شدہ سمز، BVS اور دیگر ڈیجیٹل ڈیوائسز بھی ضبط کیے گئے 

جعلی سلیکون انگوٹھوں کو سموں کی غیر قانونی ایکٹیویشن میں استعمال کیا گیا جو عام طور پر دھوکہ دہی کی سرگرمیوں میں استعمال ہوتی ہیں۔2 ملزمان گرفتار۔ مزید تفتیش جاری ہے۔

Continue Reading

عمران خان وزیر اعلیٰ پنجاب کی کرسی پر بیٹھنے پر معافی مانگیں، صوبائی اسمبلی میں قرارداد جمع

 

پنجاب (ویب ڈیسک) پنجاب اسمبلی میں اپوزیشن جماعت مسلم لیگ (ن) نے صوبائی اسمبلی میں ایک قرارداد جمع کروائی ہے جس میں سابق وزیراعظم اور پاکستان تحریک انصاف (پی ٹی آئی )کے چیئرمین عمران خان سے معافی مانگنے کا مطالبہ کیا گیا ہے۔ 

یاد رہے کہ چیئرمین تحریک انصاف عمران خان گزشتہ روز لاہور کے دورے پہنچے تھے جہاں انہوں نے وزیراعلیٰ پنجاب پرویز الہیٰ سے ان کے دفتر میں ملاقات کی تھی، اس موقع پر عمران خان کی وزیراعلیٰ پنجاب کی کرسی پر بیٹھنے والی تصویر سوشل میڈیا پر وائرل ہوئی تھی جس پر عمران خان کو شدید تنقید کا نشانہ بھی بنایا گیا تھا۔ 

مسلم لیگ (ن) نے سابق وزیراعظم اور پاکستان تحریک انصاف کے چیئرمین عمران خان سے معافی مانگنے کے مطالبے کی قرارداد پنجاب اسمبلی میں جمع کرادی ہے۔ 

قرارداد مسلم لیگ(ن) کی رکن سعدیہ تیمور کی جانب سے پنجاب اسمبلی میں جمع کرائی گئی ہے۔

مسلم لیگ(ن) کی رکن سعدیہ تیمور کی جانب سے پنجاب اسمبلی میں جمع کرائی گئی قرارداد کے متن کے مطابق یہ ایوان عمران خان کی جانب سے وزیراعلیٰ پنجاب کی کرسی پر براجمان ہونے کی مذمت کرتا ہے۔ 

مسلم لیگ(ن) کی قرارداد میں کہا گیا ہے کہ پارلیمنٹ سے نکالے گئے شخص کا وزیراعلیٰ کی کرسی پر بیٹھنا وزیراعلیٰ پنجاب عہدے کی توہین ہے، ایک مسترد شدہ شخص نے وزیراعلیٰ پنجاب کی کرسی کی توہین کی ہے۔ 

مسلم لیگ(ن) کی رکن سعدیہ تیمور نے اپنی قرارداد میں مؤقف اپنایا ہے کہ عمران خان کا یہ اقدام پنجاب کے 12کروڑ کے عوام کی توہین ہے، قرارداد میں مطالبہ کیا گیا ہے کہ وہ پنجاب کے عوام سے فوری معافی مانگیں

Continue Reading

چوہدری شجاعت حسین کے بیٹے شافع حسین کے بعد دوسرے صاحبزادے چوہدری سالک حسین نے بھی بیان جاری کر دیا

 

لاہور (چیغہ نیوز)مسلم لیگ ق کے صدر چوہدری شجاعت حسین کے بیٹے شافع حسین کا کچھ دیر قبل یہ اعلان سامنے آیا تھا کہ ان کے والد اور پارٹی سربراہ پریس کانفرنس کرتے ہوئے معاملات پر خاموشی توڑیں گے جبکہ اب ان کے دوسرے صاحبزادے چوہدری سالک حسین نے بھی بیان جاری کر دیاہے ۔ 

تفصیلات کے مطابق چوہدری سالک حسین کا اپنے بیان میں کہناتھا کہ چوہدری شجاعت کو پارٹی سے نکالنے کی بات کرنا اپنی زہنی حالت بتانے کے مترادف ہے ، چوہدری شجاعت نے ذاتی مفاد پر ملکی مفاد کو ترجیح دی ، چوہدری شجاعت نے فرد کو نوازنے کی بجائے انتشار سے بچانے کا فیصلہ کیا ، اس بات کی دلیل ہے ان کی زہنی صحت غلامانہ ذہنیت سے کہیں بہتر ہے ۔ 

یاد رہے کہ ڈپٹی سپیکر دوست مزاری نے چوہدری شجاعت کا خط موصول ہونے پر رولنگ جاری کرتے ہوئے پرویز الٰہی کے حق میں ڈالے گئے ق لیگ کے دس ووٹوں کو مسترد کر دیا تھا اور 179 ووٹ لینے والے وزیراعلیٰ حمزہ شہباز کو کامیاب قرار دیا ۔ اس کے بعد معاملہ سپریم کورٹ پہنچا جہاں عدالت عظمیٰ نے تمام فریقین کے دلائل سننے کے بعد فیصلہ سناتے ہوئے ڈپٹی سپیکر کی رولنگ کو کالعدم قرار دیدیا تھا جس کے بعد چوہدری پرویز الٰہی وزیراعلیٰ پنجاب بن گئے ۔

Continue Reading

تحریک انصاف کے 2 رہنما مسلم لیگ (ن) میں شامل ہوگئے

 شیخوپورہ (ویب ڈیسک) پنجاب کے شہر شیخو پورہ سے پاکستان تحریک انصاف (پی ٹی آئی) کے 2 رہنما مسلم لیگ (ن) میں شامل ہوگئے۔ 

روزنامہ" جنگ" کے مطابق تحریک انصاف کے رہنما رانا اسداللّٰہ خان اور رانا سیف اللّٰہ خان نے( ن) لیگ میں شمولیت اختیار کی۔ 

دونوں رہنماؤں نے وفاقی وزیر میاں جاوید لطیف کے ساتھ پریس کانفرنس کرتے ہوئے( ن) لیگ میں شمولیت کا اعلان کیا

Continue Reading

پیٹرول کی فی لیٹر قیمت میں کمی کا اعلان

 

اسلام آباد(چیغہ نیوز) وفاقی حکومت نے پیٹرول کی فی لیٹر قیمت میں 3 روپے پچاس پیسے کمی کردی۔ 

وزارت خزانہ کی جانب سے جاری اعلامیے میں بتایا گیا ہے کہ آئندہ پندرہ روز کے لیے پیٹرولیم مصنوعات کی قیمتوں کا تعین کردیا گیا ہے جن کا اطلاق 31 جولائی کی رات بارہ بجے سے ہوگا۔ 

وزارت خزانہ کے مطابق آئندہ پندرہ روز کے لیے پیٹرول تین روپے پانچ پیسے فی لیٹر سستا، لائٹ ڈیزل 12 پیسے فی لیٹر سستا  کردیا گیا ہے۔ 

حکومت نے ہائی اسپیڈ ڈیزل کی قیمت میں 8.95 روپے فی لیٹر اور مٹی کے تیل کی قیمت میں4.62 روپے فی لیٹر اضافے کا اعلان کردیا۔ 

پیٹرولیم مصنوعات کی نئی قیمتیں 

کمی کے بعد فی لیٹر پیٹرول کی قیمت 227 روپے 19 پیسے جبکہ لائٹ ڈیزل 191 روپے 32 پیسے پر پہنچ گئی۔ 

دوسری جانب 8 روپے اضافے کے بعد ہائی اسپیڈ ڈیزل کی قیمت 244 روپے 95 پیسے جبکہ مٹی کے تیل کی قیمت اضافے کے ساتھ 201 روپے 7 پیسے ہوگئی۔

Continue Reading