اینٹی نارکوٹکس فورس کی کاروائی، خاتون سمیت 3ملزمان گرفتار

فوٹو :فائل 

 

کراچی / اسلام آباد (چیغہ نیوز) اینٹی نارکوٹکس فورس نے جڑواں شہروں اور کراچی میں کارروائیاں کرکے منشیات اسمگلنگ میں ملوث خاتون سمیت 3 ملزمان کو گرفتار کرلیا

اس حوالے سے ذرائع کا کہنا ہے کہ اے این ایف انٹیلی جنس کے عملے نے موٹروے ٹول پلازہ اسلام آباد کے قریب کار سے27کلو ہیروئن اور3کلو کیمیکل برآمد کرلیا،ترجمان اے این ایف کے مطابق گرفتار شدگان میں ایک عورت بھی شامل ہے، ترجمان کا کہنا ہے کہ ملزمان کار سوار لاہور کے رہائشی شہباز علی اور حمیرا نوید کو حواست میں لیا گیا ہے

اے این ایف حکام کا کہنا ہے کہ ایک اور کارروائی میں راولپنڈی میں کوریئر آفس میں پارسل سے1800گرام کیٹا مائن برآمد کی گئی ہے،ملزمان سے برآمد کی گئی کیٹا مائن امریکا اسمگل کی جارہی تھی جسے باکسنگ گلوز میں چھپایا گیا تھا، مذکورہ پارسل فیصل آباد کے رہائشی محمد رزاق کی جانب سے بک کرایا گیا تھا 

اس کے علاوہ کراچی کے علاقے لی مارکیٹ میں ایک گاڑی سے11کلو500گرام چرس برآمد کی گئی ہے، اے این ایف ٹیم نے کراچی کے رہائشی عبدالکمال نامی ملزم کو گرفتارکرلی،ترجمان اے این ایف کے مطابق مذکورہ تمام گرفتار ملزمان کیخلاف مقدمات درج کرکے مزید تفتیش کا آغاز کردیا گیا ہے۔

SHARE THIS

Copy Url