اسلام آباد میں ڈاکوؤں نے دن دیہاڑے کیش وین کو لوٹ لیا، لاکھوں روپے لوٹ کر فرار

 

اسلام آباد(چیغہ نیوز )اسلام آباد کے تھانہ آئی نائن کے علاقے میں ڈاکوؤں نے مارکیٹنگ کمپنی کی کیشن وین کو لوٹ لیا،ڈاکوکیش وین سے 60لاکھ روپے لے کر فرار ہو گئے 

نجی ٹی وی سماءنے اسلام آباد پولیس کے حوالے سے بتایا کہ منگل کی دوپہر اسلام آباد میں تھانہ آئی 9 اور سبزی منڈی کے سنگم پر مسلح ڈکیتی میں مارکیٹنگ کمپنی کی وین سے 60 لاکھ روپے لوٹ لئے گئے ہیں۔سوزوکی مہران میں سوار 3 ڈاکوو¿ں نے کیش ڈسٹری بیوشن وین لوٹی ۔ ڈاکوؤں نے آئی نائن سے کیش وین کا تعاقب شروع کیا اور سبزی منڈی کے نزدیک کارروائی کی۔پولیس نے جائے وقوعہ سے شواہد اکٹھے کرلیئے ہیں،آئی جی اسلام آباد ڈاکٹراکبرناصر خان نے واقعے کا نوٹس لیتے ہوئے ایس پی انڈسٹریل ایریا سے رپورٹ طلب کرلی ہے۔

SHARE THIS

Copy Url