ایک بار پھر مسجد اقصیٰ کے امام کا عمران خان کو خط

PHOTO : FILE 

 

 اسلام آباد(چیغہ نیوز)مسجد اقصیٰ کے امام شیخ عکرمہ سعید الصبری نے پاکستان تحریک انصاف (پی ٹی آئی) کے چیئرمین عمران خان کو ایک خط لکھا ہے۔

تفصیلات کے مطابق شیخ عکرمہ سعید الصبری نے عمران خان کو ایک بار پھر دعائیں دیتے ہوئے انھیں ایک خط لکھا ہے جس کی تصدیق مسجد اقصیٰ کے امام نے غیر ملکی میڈیا سے بات کرتے ہوئے کی ہے۔

انھوں نے خط میں لکھا ہم بیت المقدس میں ہیں لیکن ہمارے دل آپ کے اور پاکستانی قوم کے ساتھ ہیں، انھوں نے پنجاب میں حالیہ ضمنی انتخابات میں کامیابی پر عمران خان کو مبارک باد بھی پیش کی۔

مسجد اقصی کے خطیب و امام جناب شیخ عکرمہ سعید الصبری کا عمران خان کو خط- #آج_سازش_نہیں_چلے_گی pic.twitter.com/qPoWd3rbMk

— PTI (@PTIofficial) July 23, 2022

خطیب مسجد اقصیٰ نے لکھا کہ ہم دعا گو ہیں اللہ تعالی آپ کی حفاظت کرے، مدد فرمائے اور پاکستان کو سازشوں سے بچائے۔

اس سے قبل شیخ عکرمہ صبری نے اپنے خصوصی پیغام میں کہا تھا کہ وہ ہر صبح مسجد میں عمران خان کو دعاؤں میں یاد کرتے ہیں

8 اپریل کو وفاقی وزیر مذہبی امور نور الحق قادری کی شیخ عکرمہ صبری سے ویڈیو لنک پر بات چیت ہوئی تھی، جس میں مسجد اقصیٰ کے امام نے عمران خان کے فلسطین پر غیر متزلزل مؤقف کو قابلِ ستائش قرار دیا تھا۔

شیخ صبری نے کہا کہ عمران خان کی طرح واضح کسی نے فلسطین کا ساتھ نہیں دیا، غزہ کی کشیدگی پر جان دار سفارت کاری نے دل جیت لیے، امت مسلمہ کے لیڈر عمران خان نے فلسطین کے لیے مؤثر آواز بلند کی

SHARE THIS

Copy Url