شہبا زگل کو گرفتار کر لیا گیا

فوٹو :فائل 

 

لاہور ( ویب ڈیسک) وزیر داخلہ پنجاب عطا اللہ تارڑ نے پاکستان تحریک انصاف کے رہنما شہباز گل کی گرفتاری کی تصدیق کر دی ۔ 

نجی ٹی وی جیو نیوز کے مطابق عطا اللہ تارڑ نے بتایا کہ مظفر گڑھ میں شہباز گل نے مسلح افراد کے ہمراہ مختلف پولنگ سٹیشنوں کا دورہ کیا ، مسلح افراد کی موجودگی کے باعث پولیس نے شہباز گل کو  گرفتار کیا۔ شہباز گل کو دفعہ 144 کی خلاف ورزی پر گرفتار کیا گیا۔ 

نجی ٹی وی نے دعویٰ کیا ہے کہ  گرفتاری سے قبل شہباز گل پی ٹی آئی کے امیدوار کی فیکٹری میں گئے ، پولیس کی جانب سے شہباز گل کو فیکٹری سے باہر نہ نکلنے دیا گیا اور فیکٹری کے دروازے بند کر دیے گئے ۔ نجی ٹی وی نے دعویٰ کیا ہے کہ اب  پولیس نے شہباز گل کو گرفتارکرلیا ہے ۔ وزیر داخلہ پنجاب کے مطابق شہباز گل کو نقص امن کے شبہ میں گرفتار کیا گیا 

نجی ٹی وی کے مطابق  شہباز گل نے کہا کہ پولیس کے پاس کوئی وارنٹ نہیں تھا ، انہیں اوپر سے حکم تھا کہ مجھے الجھا کر رکھا جائے ۔ معاملے پر اپنے وکلاء سے مشورہ کروں گا۔دوسری جانب  ڈی پی او کی جانب سے پولیس کو ہدایت کی گئی کہ شہباز گل کے ساتھ موجود سکیورٹی اہلکاروں کو روکا جائے ،ان کا اسلحہ تحویل میں لے لیا جائے ۔

SHARE THIS

Copy Url