حج فلائٹ کے کرائے کتنے ہوں گے؟

فوٹو : فائل 

کراچی (چیغہ نیوز ) حج آپریشن برائے سال 2022 کے لیے قومی ایئر لائن (پی آئی اے) نے کرایہ اور قواعد جاری کر دیے

تفصیلات کے مطابق پی آئی اے نے حج آپریشن برائے سال 2022 سے متعلق کرائے اور قواعد جاری کر دیے، قومی ایئر لائن کا حج آپریشن 6 جون سے متوقع ہے

نجی ٹی وی اے آر وائی نیوز کے مطابق پی آئی اے نے حج آپریشن پروازوں کا کرایہ نارتھ اور ساؤتھ ریجن کے تحت مقرر کر دیا ہے، تمام کرائے امریکی ڈالر کی کرنسی کے مساوی روپے میں ادا کرنا ہوں گے

کوئٹہ کراچی پر مشتمل ساؤتھ ریجن سے کم سے کم کرایہ 810 ڈالر جب کہ کوئٹہ، کراچی ساؤتھ ریجن میں زیادہ سے زیادہ 1100 ڈالر کے مساوی کرایہ مقرر کر دیا گیا ہے

لاہور، اسلام آباد، ملتان، پشاور پر مشتمل نارتھ سیکٹر کے لیے کم سے کم کرایہ 860 ڈالر، جب کہ زیادہ سے زیادہ کرایہ 1150 ڈالر کے مساوی مقرر کیا گیا ہے

پی آئی اے کا فلائٹ آپریشن 31 مئی کو شروع ہونا تھا تاہم وزارت مذہبی امور کی جانب سے فلائٹ شیڈول جاری نہ ہونے کی وجہ سے فلائٹ آپریشن تاخیر کا شکار ہو گیا ہے، اور اب 6 جون سے فلائٹ آپریشن متوقع ہے

پاکستان سے مدینہ، جدہ کے لیے پروازیں 3 جولائی تک جاری رہیں گی، جب کہ بعد از حج آپریشن 14 جولائی سے 13 اگست تک جاری رہے گا

ایگزیکٹو اکانومی کلاس حجاج کو 40 کلو بیگج، 7 کلو ہینڈ کیری کی اجازت ہوگی، جب کہ اکانومی کلاس حجاج کو 35 کلو بیگج، 7 کلو سامان ہینڈ کیری کی اجازت ہوگی

SHARE THIS

Copy Url