تحریک انصاف نے چوتھی نشست بھی جیت لی

 

خوشاب (ویب ڈیسک ) پاکستان تحریک انصاف (پی ٹی آئی) نے پنجاب کے 20 حلقوں میں ہونے والے ضمنی الیکشن میں چوتھی نشست پر بھی کامیابی حاصل کرلی ہے۔ 

نجی ٹی وی جیو نیوز کے مطابق پنجاب اسمبلی کے حلقہ پی پی 83 خوشاب کے تمام 215 پولنگ سٹیشنز کے غیر حتمی اور غیر سرکاری نتائج سامنے آگئے ہیں۔ یہاں تحریک انصاف کے امیدوار ملک حسن اسلم خان  نے 48 ہزار 475 ووٹ لے کر کامیابی حاصل کی ہے جب کہ آزاد امیدوار محمد آصف ملک  41 ہزار 752 ووٹوں کے ساتھ دوسرے نمبر پر رہے ہیں۔ 

خیال رہے کہ اب تک پانچ نشستوں کے مکمل غیر حتمی اور غیر سرکاری نتائج سامنے آچکے ہیں۔ خوشاب، ڈیرہ غازی خان، ملتان اور ساہیوال سے تحریک انصاف جب کہ  بہاولنگر سے مسلم لیگ ن نے کامیابی حاصل کی ہے۔ 

نوٹ: یہ غیر حتمی اور غیر سرکاری نتیجہ ہے جو میڈیا رپورٹس کی بنیاد پر مرتب کیا گیا ہے، سرکاری  اور حتمی نتیجہ الیکشن  کمیشن آف پاکستان کی طرف سے جاری کیا جائے گا۔

SHARE THIS

Copy Url