پنجاب میں ضمنی انتخاب میں شکست، مسلم لیگ (ن )نے عام انتخابات سے متعلق اہم فیصلہ کر لیا

فوٹو :فائل 

 

اسلام آباد (ویب ڈیسک) حکمران جماعت پاکستان مسلم لیگ (ن) نے قبل ازوقت انتخابات نہ کرانےکا فیصلہ کرلیا ہے۔ 

نجی ٹی وی "جیونیوز" کے مطابق وزیراعظم شہباز شریف کی زیرصدارت(ن) لیگ اجلاس ہوا جس میں پنجاب کے ضمنی انتخابات میں شکست اور دیگر سیاسی معاملات پر غور کیا گیا۔ذرائع کے مطابق (ن )لیگ کے اجلاس میں قبل ازوقت انتخابات نہ کرانےکا فیصلہ کیا گیا،اجلاس میں فیصلہ کیا گیا کہ حکومت اپنی آئینی مدت پوری کرے گی۔ذرائع کا کہنا ہے کہ اتحادی جماعتوں کو مسلم لیگ (ن) کل اپنے فیصلے سے آگاہ کرے گی۔خیال رہے کہ وزیراعظم شہباز شریف نے کل لاہور میں اتحادی جماعتوں کا اجلاس طلب کیا ہے جس میں سیاسی صورتحال پر مشاورت کی جائے گی۔ 

واضح رہے کہ گزشتہ روز پنجاب اسمبلی کی 20 نشستوں پر ہونے والے ضمنی انتخابات میں پاکستان تحریک انصاف نے 15 اور مسلم لیگ (ن) نے 4 نشستوں پر کامیابی حاصل کی جبکہ 1 نشست آزاد امیدوار کے حصے میں آئی۔

SHARE THIS

Copy Url